Programme

< Back to overview

Food Leaks


Kabarettistesch Liesung
Roland Meyer


"Du bass wat s du ëss!", sot emol ee méi oder manner gescheite Mann an esou stellt sech dann och direkt folgend Fro: Ernäert sech ee Populist anescht wéi een Nationalist, ee Sozialist, ee Kommunist oder soss een Artist? Kachkéis, Quetschentaart a Bouneschlupp fir déi Konservativ a Sushi, Tofu a Smoothy fir déi Progressiv? Wann ëmmer alles esou einfach wir!

A wou gëtt hei am Ländchen iwwerhaapt d'Politik gemaach? Mat Sécherheet net um Krautmaart. Hei bei eis gouf, gëtt a wäert déi och ëmmer um Dësch, am Restaurant, am Bistro, op Grill-, Dëppen- an a leschter Zäit och ëmmer méi dacks op Oktoberfester gemaach ginn. Well do seet de Lëtzebuerger, wat en denkt.
Fir Iessen an Drénken ass deemno beschtens gesuergt!
Nom groussen Erfolleg vu sengen "Zikelalarm-Programmer" hëlt de Roland Meyer an enger neier kabarettistescher Liesung de Mond gehéierlech voll an zervéiert Iech e spektakuläre Menu: Fastfood, guttbiergerlech Kichen an Haute Cuisine aus engem Land, an diem Ausdréck wéi "gutt a vill" grad esou wéi "Fräibéier" nach ëmmer ee ganz besonnesche Klang hunn.

Text Roland Meyer. A Lëtzebuerger Sprooch

Gespillt gëtt am Sall Kleng Bühn

Dates

Th 03 May 2018 20:00
Fr 04 May 2018 20:00

Venue

Mierscher Kulturhaus
53 RUE GRANDE-DUCHESSE CHARLOTTE
L-7520 MERSCH
Luxembourg

Tickets
  • 03.05.2018 20:00 order now phone: 0035247 08 95 1
  • 04.05.2018 20:00 order now phone: 0035247 08 95 1
Entrance fee

10.00 € Reduzéiert
20.00 € Ticket

Food Leaks Roland Meyer
Roland Meyer